კანადაში ემიგრაციის გზები (ძალიან ზოგადად)

მოგესალმებით :)
გადავწყვიტე გავხსნა ეს ბლოგი, სადაც გაგიზიარებთ ინფორმაციას კანადაში ლეგალურად წასვლის შესახებ.  მე ეს ყველაფერი მოვიძიე როცა გადავწყვიტე  წასვლა და ამჟამად ვიმყოფები კანადაში სტუდენტის სტატუსით.

პირველ რიგში უნდა გაითვალისწინოთ, რომ დაგჭირდებათ ინგლისური ან ფრანგული. თუ თქვენ დღესდღეობით არ იცით არც ერთი ენა, ჩემი რეკომენდაციები იქნებოდა ფრანგულის შესწავლა, რადგან დღესდღეობით კვებეკის პროვინციის საემიგრაციო პროგრამის მიხედვით, თუ დაამთავრებთ სასწავლო პროგრამას კვებეკის უმაღლეს სასწავლებლებში, შეგიძლიათ შეიტანოთ საბუთები ამ პროვინციაში მუდმივად დარჩენაზე.

დაწვრილებით ინფორმაცია შეგიძლიათ მოიძიოთ აქ:
http://immigration-quebec.gouv.qc.ca/en/immigrate-settle/students/stay-quebec/application-csq/students-peq/index.html


NOTE: ზოგადად რაც არ უნდა დავწერო აქ, იცოდეთ რომ ინფორმაცია იცვლება ხშირად და ნუ ენდობით აქ დაწერილს გადამოწმების გარეშე. გადამოწმება შეგიძლიათ ოფიციალურ წყაროებთან. მაგალითად ზემოთ მოცემული ბმული არის კვებეკში ემიგრაციის ოფიციალური ვებ-საიტი, სწავლის შემდეგ დარჩენის გარდა, იქ არის სხვა საემიგრაციო პროგრამებიც რასაც შეგიძლიათ გაეცნოთ. ეს პროგრამები დროდადრო იცვლება და უნდა აკონტროლოთ რომ იყოთ საქმის კურსში.

გავარგძელოთ...

თუ თქვენ გინდათ წახვიდეთ დარჩენის პრესპექტივით კანადის ინგლისურენოვან ნაწილში, ამისთვის არსებობს ზოგადად 2 გზა.
პირველი - ეს არის პროვინციული პროგრამები. კანადა შედგება შემდეგი პროვინციებისგან:

Ontario	12,851,821	38.4%	5.7%	908,607.67	14.1	106	34.4%	13,537,994	38.5%
2	Quebec	7,903,001	23.6%	4.7%	1,356,547.02	5.8	75	24.4%	8,155,334	23.2%
3	British Columbia	4,400,057	13.1%	7.0%	922,509.29	4.8	36	11.7%	4,581,978	13%
4	Alberta	3,645,257	10.9%	10.8%	640,081.87	5.7	28	9.1%	4,025,074	11.4%
5	Manitoba	1,208,268	3.6%	5.2%	552,329.52	2.2	14	4.5%	1,265,015	3.6%
6	Saskatchewan	1,033,381	3.1%	6.7%	588,239.21	1.8	14	4.5%	1,108,303	3.2%
7	Nova Scotia	921,727	2.8%	0.9%	52,939.44	17.4	11	3.6%	940,789	2.7%
8	New Brunswick	751,171	2.2%	2.9%	71,377.18	10.5	10	3.2%	756,050	2.2%
9	Newfoundland and Labrador	514,536	1.5%	1.8%	370,510.76	1.4	7	2.3%	526,702	1.5%
10	Prince Edward Island	140,204	0.4%	3.2%	5,685.73	24.7	4	1.3%	145,237	0.4%
11	Northwest Territories	41,462	0.1%	0.0	1,143,793.47	0.0	1	0.3%	43,537	0.1%
12	Yukon	33,897	0.1%	11.6%	474,712.64	0.1	1	0.3%	36,700	0.1%
13	Nunavut

და თითოეულ პროვინციას გააჩნია თავისი Provincial Nominee Program. ეს ნიშნავს რომ თითოეულ პროვინციის შემთხვევაში, გარკვეული პირობების დაკმაყოფილების შემდეგ, პროვინცია მხარს დაგიჭერს CIC (Citizenship and Immigration Canada) წინაში, რომ მას უნდა შენი კანდიდატურა დაიტოვოს საცხოვრებლად თავის პროვინციაში. ამის შემდეგ საქმე გადადის ციც-თან და თუ არაფერ ტყუილში არ ჩაიჭირეს კანდიდატი და ყველა პირობას აკმაყოფილებს, ემიგრაციის პროცესი წარმატებულად სრულდება და კანდიდატი ხდება Permanent Resident, შემოკლებით PR(შემდგომში "პიარი").  პიარი და მოქალაქე იმით განსხვავდება ერთმანეთისგან, რომ პიარს არ აქვს არჩევნებში მონაწილეობის უფლება და არ შეუძლია იმსახუროს პოლიციაში, ჯარში და მსგავს უწყებებში. სხვა დანარჩენში პიარს და მოქალაქეს აქვს ერთნაირი უფლებები და სოციალური ბენეფიტები. 4 წლის შემდეგ პიარს შეუძლია ჩააბაროს გამოცდა და გახდეს მოქალაქე.

მეორე გზა გარდა პროვინციული პროგრამებისა ეს არის დამსაქმებლის პოვნა საზღვარგარეთიდან. ამ შემთხვევაში განაცხადი შეგაქვთ პირდაპირ ციცში, ანუ გადაახტებით პროვინციის მხარდაჭერის ეტაპს, თუმცა ამ განხრით ემიგრაცია უფრო ძნელია. პირველ რიგში, უკვე რომც იყოთ კანადაში და მუშობდეთ, დამსაქმებლისგან მოითხოვება LMIA. ეს არის საბუთი რომელიც ადასტურებს, რომ დამსაქმებელმა ვერ მონახა საჭირო კადრი კანადის პიარებს და მოქალაქეებს შორის. ერთი წლის წინ ეს პროცესი გართულდა და გამკაცრდა. ასევე დამსაქმებელი ვალდებულია გადაიხადოს გარკვეული თანხა რომ მოიპოვოს LMIA. ზოგ დამსაქმებელს უბრალოდ არ უღირს ამდენი "ხლაფორთი". ამიტომ თქვენ უნდა იყოთ რაღაც განსაკუთრებული კადრი, რომ მართლა არ არსებობდეს თქვენი ანალოგი კანადის მუშაკთა შორის. ასევე, კომპანია უნდა აკმაყოფილებდეს გარკვეულ პირობებს. მეტი ინფორმაციისთვის ეწვიეთ ბმულს:
http://www.cic.gc.ca/english/work/employers/lmo-basics.asp

ასევე, კანადაში სამუშაოები იყოფა NOCებად (National Occupational Classification) .
დაწვრილებით შეგიძლიათ ნახოთ აქ:
http://www5.hrsdc.gc.ca/NOC/english/NOC/2011/FAQ.aspx

მოკლედ რომ ვთქვათ 0 NOC არის მენეჯმენტი, А არის პოზიციები, რომელსაც ჭირდება უნივერსიტეტის განათლება, B არის პოზიციები, რასაც ჭირდება კოლეჯის განათლება, C -ჭირდება მცირე დროის ტრეინინგი, D- არ ჭირდება ტრეინინგი საერთოდ.

თუ თქვენ მუშაობთ 0 А ან B პოზიციაზე 1 წელი და არ გსურთ მიმაგრებული იყოთ რომელიმე პროვინციას, შეგიძლიათ შეიტანოთ საბუთები Canadian Experience Class -ით. არსებობს გარკვეული ქუოთები ამ განხრით და ასევე დედლაინებიც (თუ არ ვცდები).

ძოგადად, დამსაქმებლით ან CECით, და კიდევ არის 1 განხრა trade-თან დაკავშირებული... (შეგიძლიათ მოიძიოთ)
ხდება ამ პროგრამით:
http://www.cic.gc.ca/english/immigrate/express/express-entry.asp
ამ პროგრამას ქვია Еxpress Entry და ეს არის ემიგრაციის მსურველი კანდიდატების "აუზი". ამ აუზში შეგიძლიათ დღესვე ჩაყვინთოთ შესაბამისი პროფილის შევსების შემდეგ. თითოეულ კანდიდატს ენიჭება ქულები ენის ცოდნის დონის მიხედვით, გამოცდილების მიხედვით, განათლების მიხედვით, და იმის მიხედვით თუ მას აქვს LMIA-ნი ჯობ ოფერი, ან 1 წლიანი კანადური მუშაობის გამოცდილება (CEC) ან რომელიმე პროვინციისგან მხარდაჭერა, და ა.შ.

რაღაც დროის შუალედით, ამ აუზიდან ირჩევენ ყველაზე მაღალი ქულების მქონე კანდიდატებს და ემიგრაციის პროცესი იწყება.  ეს ძალიან ზოგადად ავხსენი ახლა როგორ არის მოწყობილი ეს პროგრამა, ყველა დეტალი შეგიძლიათ ნახოთ ზემოთ მოცემულ ბმულზე. ასევე, შეგიძლიათ დაახლოებით დაითვალოთ რამდენ ქულას აგროვებთ< და წინა ამორჩევაზე რა ქულის ხალხი აირჩიეს, რომ დაახლოებით გქონდეთ წარმოდგენა რა შანსები გაქვთ.

ზოგადად სულ ეს არის კანადაში ემიგრაციის გზები, მომავალში გავაკეთებ პოსტებს კანადაში სასწავლებლად წასვლაზე და ასევე ჩავუღრმავდები პროვინციულ პროგრამებს.

მადლობა ყურადღებისთვის და ღამე მშივდობის! :3